Hondakinen Plan Alternatiboa egin dezagun

Hondakinen Plangintzaren idazketa42.350 €
Herritar Epaimahaiak/Parte hartze prozesua20.036 €
Gastu Juridikoak13.000 €
Besteak4.614 €
GUZTIRA80.000 €

Orain arte bildutakoa

Egin zure ekarpena:
  • Laboral Kutxa: ES05 3035 0140 33 1400031124
  • Kutxabank: ES83 2095 5060 10 9117692165

Salmenta guneak

Babes kutxak

Osasuna babesteko, haurrek egindako Kutxak eskura dituzu, kolore biziko etorkizuna haurren begirada garbiaren bitartez margotua.Barruan, Gureak-en egindako galleta goxoak eta postaz bidal dezakezun postal berezi bat aurkituko dituzu.

Zertarako da dirua?

Ingenieritza aditu batek Hiri Hondakinen Kudeaketarako Plan Alternatiboa idazteko izango da dirua. Egitasmoari HITZARTU deitu diogu, eta prozesua gardena izango da. Era ezberdinak dituzu parte hartzeko: Online bidez, Mahai Teknikoan edo Mahai Sozialean.

Nork eta nola erabaki du Gipuzkoak 1.500 milioi euroko inbertsioa behar duen erraustegiaren premia duela hurrengo 35 urteetarako? Hondakinen kudeaketari irtenbidea emateko beste alternatiba batzuk aztertu al dira, ingurumen aldetik eta osasun aldetik seguruagoak direnak? Ez. Ekonomikoki jasangarriagoak diren alternatibak aztertu al dira? Ez.”

“Babes Kutxen” salmentatik aterako den diruarekin HITZARTU ekimena finantziatuko da.

Hitzartu proiektua eraikitzen diharduten erraustegiaren eragin eremuan bizi eta ikasten duten neska-mutilen gurasoen elkarte batek jarri du abian: 201 IKASTETXETAN estudiatzen diharduten 69.119 ADINGABEKOREN guraso elkarteak.

Elkarte zibila, askotarikoa eta zeharkakoa da. Ez dugu inolako interes ekonomiko edo politikorik. Gure interes bakarra (erantzukizuna) da geureak babestea, eta bide batez, Gipuzkoako bizikidetza eta ingurumena, osasuna eta ekonomia hobetzeko baliagarri izatea.

Proiektua azaltzeko oso erraza da. Agintariek egin ez dutena egingo dugu. Ingeniaritza talde bat Gipuzkoako Udal Hondakinen Kudeaketa Plan alternatibo bat idazten ari da, non hondakinen arazoa ahalik eta modurik jasangarrien eta ekonomikoen konpontzeko dauden aukera tekniko guztiak aztertuko diren.

Paraleloki,  parte-hartze prozesu aitzindaria daramagu aurrera EHU-UPVko Ikerketa Zientifikoen Goi Kontseiluko adituen eta irakasleen kolaborazioarekin.

Proiektua eta Berme Batzordea eskura dituzue helbide honetan:www.gurasos.org

Gure etorkizuna babestuko dugu eta hori ZUEN GUZTION kolaborazioarekin lortuko dugu, Nola? Zuen komertzio, ikastola, ikastetxe edo familian haurrek berek egindako marrazkiekin diseinaturiko Kaxa Babesleak eskuraturik edo banaturik.

Babes kutxen istorioa

Gaur oso kutxa bereziak aurkeztuko dizkizuegu, babesteko balio duten kutxak dira hain justu. Naoned edo Nantesen (Bretainian) eginak dira, Asterix eta Obelixen herrixka zegoenetik hurbil. Ez alferrik, bere barruan sartu da ezkutuan edabe magikoa, eta edabe horrek txikiak botere handiko egiten ditu eta harroputzak txiki.

Estalki serigrafiatuetan kolore biziko etorkizuna aurkituko duzue, Zubietatik gertu, 100 haurrek margotuak, “Urbaseria” sorgin gaiztoa ametsak errausteko eta amets gaiztoak izurtzeko gaztelua eraikitzen ari den lekutik hurbil. Ipuina ondo amaitzea neurri handi batean zure eta gure gain dago. Bildutako diruarekin Hondakinen Kudeaketa Plan Alternatiboa idazteko eta Amets Lasaien Etxea eraikitzeko da. Han haurren begiraden aire garbia sartuko da eta argiztatua egongo da etorkizun jasangarriaren ilusioz.

A.o. Ez ahaztu kutxaren barruan aurkituko duzun postala, lurralde honetako diputatu nagusiarentzat da, Postal horretan gogora ekarriko diozu "inoiz ez dela berandu Gipuzkoa Osasuntsuago baten alde lan egiteko" A, eta goxatu Gureak-eko magoek egindako galletekin.

Parte hartu:

  • Mahai soziala
  • Mahai teknikoa

Kartela eskuratu